Бүген, 2026 елның 26 сентябрендә, башкалабыз Казанның IT-паркында мәктәпкәчә яшьтәге балаларга татар телендә белем бирүче тәрбиячеләр һәм укытучыларның беренче республикакүләм һөнәри конкурс-премиясе «Туган тел фестивале — 2026» узды. Әлеге мәртәбәле чара татар телен саклау, үстерү һәм яшь буынга җиткерү юнәлешендә эшләүче педагогларның хезмәтен бәяләү һәм иң яхшы методик алымнарны ачыклау максатыннан оештырылды. Фестивальдә республиканың төрле районнарыннан һәм шәһәрләреннән килгән иң лаеклы тәрбиячеләр һәм укытучылар катнашты. Безнең район данын тәрбиячебез Латыйпова Айсылу Фоатовна лаеклы яклады. Ул үзенең һөнәри осталыгын, бай педагогик тәҗрибәсен һәм балаларга туган телне җиңел һәм кызыклы итеп өйрәтү осталыгын күрсәтеп, конкурста 1 нче урынны яулады. Айсылу Фоатовнаны бу зур җиңүе белән чын күңелдән котлыйбыз! Аңа киләчәктә дә иҗади уңышлар, сәламәтлек һәм туган телебезне үстерү юлындагы хезмәтендә яңа зур казанышлар телибез.