20 февраля прошли городские соревнования по шахматам. Основная команда лицея №2 уверенно заняла на них первое место. Теперь ребятам и девушкам предстоит защищать честь нашего города на республиканских соревнованиях по шахматам. Дублирующая команда заняла пятое место из тринадцати команд.

19 февраль көнне Татар мәдәният үзәгендә Ватанны саклаучылар көненә багышлап ел саен уздырыла торган “Егет солтаны” бәйгесе үтте.  Финалга шәһәр-район мәктәпләрендә барган бәйгеләрдә сайлап алынган иң лаеклы 7 егет чыкты. Безнең лицейның 10 А сыйныф укучысы Шәвәлеев Рамил (укытучысы Невметулина Г.Ф.) да бу бәйгедә үз көчен сынады һәм “Иң сөйкемле егет”  номинациясендә җиңеп чыкты.  Афәрин, Рамил! Котлыйбыз!

18 нче февраль көнне  шәһәребездә укучылар өчен “Ачыш”фәнни-гамәли конференциясе үткәрелде. Татар теле һәм әдәбияты секциясендә лицейның 9Г  сыйныф укучысы Шакирова Динара “Коръән һәм әдәбият” дигән тема белән чыгыш ясады. Ул әдәбият дәресләрендә алган мәгълүматларга таянып, шактый кызыклы материаллар туплаган. Динара, киләчәктә зур уңышлар телибез!

17 нче февральдә лицейда Туган телләр һәм халыклар бердәмлеге елы кысаларында, 5 нче сыйныф укучылары өчен язучы А.М.Волковның  “Зөбәрҗәт шәһәре тылсымчысы” әкияте буенча спектакль күрсәтелде. Лицейның Татар милли үзәгендә шөгыльләнүче 7 нче сыйныф укучылары күрсәткән тамаша барысына да бик ошады. Зур уңышлар сезгә укучылар!

17 нче февральдә  лицейда китапханәчеләр белән берлектә, 5 нче сыйныф укучылары өчен  ““Салават күпере” бездә кунакта” дип исемләнгән китапханә дәресләре уздырылды. Лицейның татар теле укытучысы Зәйнуллина Фәүзия Вәкилевна  һәм китапханәче Сомова Нина Петровна укучыларны “Салават күпере” журналы белән таныштырдылар, аның турында кызыклы мәгълүмат бирделәр. Укучылар төрле биремнәр үтәделәр, кызыклы сәхифәләр белән таныштылар.

16 нчы февраль көнне, Туган телләр һәм халыклар бердәмлеге елы кысаларында, 2 б сыйныф укучылары катнашуы белән “Без төрле, әмма без бергә” дип исемләнгән интеллектуаль уен үтте. Укучылар төрле телләрдә шигырь сөйләделәр, җырладылар, уеннарда актив катнаштылар. Татарстанда  яшәүче халыкларның гореф-гадәтләре белән таныштылар. Укучылар көче белән "Минем халкымның милли колориты" дигән күргәзмә оештырылды, анда төрле халыкларның милли киемнәре һәм бизәкләре тәкъдим ителде.

15 нче февраль көнне, татар халкының бөек улы, герой – шагыйрь Муса Җәлилнең туган көне уңаеннан "Гомерем минем моңлы бер җыр иде" дип аталган әдәби кичә үткәрелде.  Әдәби кичәдә  1-4 нче сыйныф укучылары  бөек татар шагыйренең тормышы һәм иҗаты белән таныштылар. Балалар игътибарына китап күргәзмәсе дә тәкъдим ителде. Укучылар рус һәм татар телендә М.Җәлилнең шигырьләрен бик матур һәм сәнгатьле итеп сөйләделәр.

12 февраль көнне 2 нче лицей китапханәсендә 10 нчы сыйныф укучылары өчен (укытучылары Невметулина Г.Ф. һәм Зәйнуллина Ф.В.), халкыбызның бөек улы, шагыйрь Муса Җәлилнең туган көненә карата “Батырлыгы калыр гасырларда” дип аталган батырлык дәресләре узды. Алып баручы кызлар татар һәм рус телендә каһарман шәхеснең тормыш юлын чагылдырган, эчтәлекле мәгълүмат белән таныштырдылар. Шул ук вакытта  шагыйрьнең иҗатын да искә алдылар: ике телдә дә шигырьләре укылды. ...

В рамках подготовки к 115-летию со дня рождения великого героя и поэта Мусы Джалиля в библиотеке оформлена иллюстрированная книжная выставка, где представлены его книги и информационный материал, рассказывающий о творчестве и жизни поэта.

15 нче февраль көнне  шәһәребезнең Милли Үзәгендә татар халкының герой шагыйре Муса Җәлилнең  тууына 115 ел тулуын билгеләп шигырь конкурсы үткәрелде. Лицейның 5В сыйныф укучысы Бикбаева Камилла Муса Җәлилнең “Ышанма” шигыре белән чыгыш ясады. Камилла конкурска тырышып әзерләнгән, сәнгатьле итеп шигырьне тамашачыларга җиткерде. Камилла, алга таба зур уңышлар телибез Сиңа!