Район күләмендә үткәрелгән “Киләчәк бүгеннән башлана” дип исемләнгән  фәнни-гамәли  конференциядә катнашып, 3 нче дәрәҗәдәге  дипломга лаек булган 10 нчы сыйныф  укучылары  Әхмәтҗанов Рәшитне, Нуретдинова Айсылуны  котлыйбыз. 

(Фәнни җитәкчесе Әхмәтҗанова Р.Г.)

Сәнгать мәктәбе  тарафыннан Мәдәният елына багышланган “Без яшибез, иҗат итәбез, хыялланабыз» дигән конкурс игълан ителгән иде. Бу конкурста безнең мәктәптән 1 нче сыйныф укучылары  катнашты. 14 мартта конкурска  нәтиҗә ясалды. Призлы урыннарга Сафин Райхан, Шакирзянов Ислам, Нуретдинов Рифат лаек булды. Котлыйбыз!

13 март көнне  2 нче һәм 3  нче  сыйныфларда  (сыйныф җитәкчесе Хусаинова Р.И.) “Ата  - ана бөек исем” дигән темага гаилә бәйрәме үткәрелде. Бәйрәмгә  ата – аналар  да чакырылды.  Укучылар  бик матур чыгыш әзерләделәр. Аларның чыгышы ата – аналарга  да, килгән кунакларга  да бик ошады.

Кичә, ягъни 11 март көнне, мәктәптә гомуми ата-аналар җыелышы булды. Җыелыш "Әхлак" темасына багышланды. 

Җыелышның беренче өлешендә укучылар ата-аналарга драматург Г.Камалның "Беренче театр"ын күрсәттеләр.

8 Март - Халыкара хатын-кызлар көненә багышланган конкурста "Кандыз кызлары" һәм "Капельки" командалары ярышты. Нәтиҗәдә дуслык җиңде, ярыш ничья белән тәмамланды. 

Әнием!

Таң җиледәй назлы кулларың.

Әнием, тик сиңа багышлап

Җырлыйлар яраткан улларың.

Нәни кулларым белән мин

Тик сиңа, диеп кенә.

Әзерләдем бүләгемне

Бик зур көч куеп менә.

5 нче сыйныфта  8 март - Халыкара хатын-кызлар көненә багышлап бәйрәм үткәрелде.

Бүген районның паспорт өстәле һәм яшьләр бүлеге вәкилләре килделәр. Алар 14 яше тулган укучыларга Россия паспортлары тапшырдылар.

Бүген мәктәпнең хатын-кыз хезмәт ветераннары белән очрашу уткәрелде. Аларны 8 нче март халыкара хатын-кызлар көне белән котлыйбыз! Исәнлек-саулык, җан тынычлыгы һәм бәхетле картлык теләп калабыз!

Педагог-оештыручы Фатхуллина Л.М җитәкчелегендә мәктәп укучылары Г.Камалның "Беренче театр" әсәрен сәхнәгә куйдылар. Театр укытучыларга һәм хезмәт ветераннарына бәйрәм бүләге булды.