2 март көнне “Баулы аграр көллияте” дәүләт аграр һөнәри белем бирү учреждениесендә Бөтендөнья гражданнар оборонасы көненә багышланган тормыш иминлеге нигезләре буенча Бөтенроссия ачык дәресе узды. Очрашуда иминлеккә турыдан-туры мөнәсәбәте булган чакырылган белгечләр: Баулы районы буенча Эчке эшләр министрлыгының ЮХИДИ бүлекчәсе начальнигы Мансуров И.Г., шулай ук ПЧ-14 инспекторлары Г.А.Зиновьева һәм Г.М. Сарапулова катнашты. Белгечләр экстремаль ситуацияләрдә, юлларда, янгын куркынычсызлыгы һәм янаулар вакытында эш-гамәлләр турында сөйләделәр, шулай ук студентларның сорауларына җаваплар бирделәр. Дәрес эчтәлекле һәм гамәли юнәлешле иде: балалар өйдә, укуда һәм көнкүрештә үз куркынычсызлыгын тәэмин итү буенча конкрет тәкъдимнәр алдылар, гадәттән тыш хәлләрдә хәбәр итү һәм үз-үзләрен тотыш алгоритмнарын эшләделәр.