9нчы һәм 11нче сыйныф укучылары өчен кызу вакытлар килеп җитте. Алар имтиханнарга ныклап хәзерләнәләр, түгәрәкләр, консультацияләргә йөриләр.

Илебез буенча октябрь аенда Өлкәннәр көне уздырыла. Төрле җирләрдә өлкәннәрне котлаулар, искә алулар бара.Безнең мәктәптә дә эшләп лаеклы ялга чыккан ветераннарны хөрмәтләп зур кичә оештырылды. Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Бу айда гына түгел, ә һәрвакыт без өлкәннәргә игътибар итеп, хөрмәт күрсәтергә, рәхмәтләребезне әйтергә тиешбез. Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык, сәламәтлек, шатлык-куанычлар, олыгайган көнегездә тыныч тормыш телибез.

   Укытучыларыбыз!

Рәхмәт Сезгә, рәхмәт чын күңелдән,
Безне балагыздай күргән өчен.
Безнең хисләр белән янып яшәп,
Күңелләргә шатлык биргән өчен.

Бүген мәктәптә үзидарә көне.  10-11нче сыйныф укучылары үзләренең көчләрен укытучы һөнәрендә сынап карыйлар. Алар дәресләр укыта, тәнәфесләрдә тәртип саклый, дәфтәр тикшерә, гомумән, укытучылар эшли торган мең төрле мәшәкатьне үз җилкәләрендә татып карый.

"Ак калфак" татар хатын-кызлар республика иҗтимагый оешмасы вәкилләре катнашында Кәшифә Тумашева исемендәге музейда әдәби кичә булып узды.

зончы октябрь көнне укучылар Татарстанның атказанган сәнгать эшлеклесе Алмаз Хәмзин белән очраштылар. Ул укучыларга үзенең "Тегермән - шау" программасын тәкъдим итте.

23нче сентябрьдә Киров өлкәсе татарларының милли-мәдәни мөхтәрияте, Малмыж районы мәгариф; мәдәният, яшьләр сәясәте, спорт идарәсе белән берлектә уздырылган   “Минем татар авылым” регионара этнографлар слеты  булып узды. Слетның  программасына бик уен төрләре кертелгән иде.

Читтән торып уздырыла торган “Авылым тарихы” бәйгесендә бәйге команда белән уздырылды. Авылның тирән эчтәлекле, тарихи документларга нигезләнеп язылган тарихы электрон вариантта слет алдыннан жюрига җибәрелде. “Татар өе” бәйгесендә  командалар килеп җитү белән билгеләнгән урында үзләре белән алып килгән  татар өе яки каралты-куралы татар ишек алды күренешләрен төзеделәр.

        “Ял итү” этабында команда берәр  иң борынгы hәм соңгы вакытта еш әзерләнә торган татар милли ашын тәкъдим итте.     

    “Кичке уен” бәйгесесендә командалар, үзләренең торган урыннарына хас булган җырлы- биюле кичке уен күрсәттелә һәм башкаларга да өйрәттеләр.

Җитәкчеләр белән уздырылган түгәрәк өстәлдә   “Туган авылым” көннәрен уздыру буенча җитәкчеләр үзләренең эш тәҗрибәләре, уздыру программалары белән 10 минуттан узмаган чыгыш ясадылар, үзләренең тәкъдимнәрен керттеләр. “Минем хобби” бәйгесе буенча кул эшләре күргәзмәсе оештырылды.

     МБГБУ “Нөнәгәр ГУБМ” эзтабарлары бу ярышларның барлык этабында да уңышлы чыгыш ясап, беренче урынга лаек булдылар.