Төркемнәрдә көзге уңыш бәйрәмнәре булып узды. Балалар көзге уңыш турында белемнәрен үстерделәр, көчләрен сынаштылар, көз турында җырлар җырладылар...

Бүген бакчабыздагы малайлар түбәтәйләр киеп, ә кызлар матур яулыклар бәйләп килделәр. Чөнки безгә Алсу апабыз Корбан бәйрәме турында сөйләде. Шулай ук ул безгә әхлак тәрбиясе буенча киңәшләрен бирде, догалар укыды. Бакчага йөрүче балалар  да белгән догаларын сөйләделәр. Соңыннан без Корбан ашыннан авыз иттек. 

Балалар бакчасына беренче мәртәбә йөри башлаган сабыйлар өчен яңа мохиткә ияләшү чоры катлаулы. Тәрбияче Язилә Тәлгатовна һәр баланы аңлап, аларга һәрдаим ярдәм итә. Нәниләребез инде үзара дуслаштылар, бакчага ияләнделәр.

Республика буенча игълан ителгән санитар -экологик чистарту декадасында балалар бакчасы территориясендә өмә үткәрдек. Өмәдә коллективның һәр кешесе актив катнашты...

Бүген безгә бакчабызда эшләп киткән өлкәннәребез килде. Зурлар һәм мәктәпкә әзерлек төркеме балалары аларны бәйрәмнәре белән котлап концерт күрсәттеләр.Өлкәннәр балаларга матур теләкләрен белдерделәр.Өлкәннәребез сезгә нык тазалык, озын гомер теләп калабыз.

Әти-әниләребез бик теләп безнең проект эшчәнлегендә катнашалар.  Алар ярдәмендә без кәзге яшелчә,җиләк-җимешләрдән кул эшләре күргәзмәсе оештырдык.

Көзге урман мул җимешләре, әкияти серле матурлыгы белән безне каршы алды. Балалар урманда яфраклар, күркәләр җыйдылар. Көзге урманга сокланып,хозурланып без кабат бакчабызга кайттык.

Балаларның юлларда иминлекләрен саклау өчен"Куркынычсызлык айлыгы"нда бакчабызда төрле чаралар үткәрелде. Бүген бакчабызның зурлар һәм мәктәпкә әзерлек төркеме балалары ЮХИДИ хезмәткәрләре Шафигуллин Ф.Т.һәм Хадиева Л.Х.лар белән очраштылар.Балалар ике командага бүленеп юлда йөрү кагыйдәләрен белү буенча көч сынашып ярыштылар.ЮХИДИ хезмәткәрләре балаларга файдалы киңәшләрен бирделәр .Бу очрашу балалар өчен бик файдалы булды.