Җәйге каникуллар алдыннан ,  балалар белән эшләү бүлеге инспекторы Ләйсән Газинуровна  һәм муниципаль полиция хезмәткәре Ләйлә Фәргатовналар укучылар белән  профилактик беседалар уздырдылар

Куныр ура мәктәбе укучылары,укытучылары 61 сугыш ветераны портретлары белән Куныр авылының Ибраһимов һәм Киров урамнарында  “Үлемсез полк” акциясе үткәрделәр

 Бөек Җиңүнең 71 еллыгы уңаеннан Бөек Ватан сугышында һәлак булучыларга  куелган һәйкәл янында митинг булды.Митингта тыл һәм хезмәт ветераннары,сугыш чоры балалары, мәктәп коллективы,җирле үзидарә,күмәк хуҗалык членнары,җитәкчеләр катнаштылар.

Һөнәри ярминкә.

Хезмәт ветераннары белән очрашу

27 апрельдә Куныр урта мәктәбендә“Якты юл”  һәм “Активист” күмәк хуҗалыкларының хөкүмәтнең орден,медальләренә һәм мактаулы исемнәренә лаек булган  мактаулы хезмәт ветераннары белән зур очрашу булды.Очрашуда “Якты юл” күмәк хуҗалыгының озак еллар рәисе булып эшләгән һәм “Почет билгесе”,”Хезмәт Кызыл Байрагы”, “Ватан алдындагы хезмәтләре өчен IVдәрәҗә” , “Татарстан Республикасы алдындагы хезмәтләре өчен” орденнары һәм Татарстан Республикасы , Россия Федерациясенең атказанган авыл хуҗалыгы хезмәткәрләре исеменә лаек булган Гәрәев Хәмит Гәрәй улы, рәис урынбасары,хезмәтне саклау буенча инженер,кадрлар бүлеге мөдире булып эшләгән Татарстан Республикасының атказанган авыл хуҗалыгы хезмәткәре Гиниятов Мөхәммәт Гиният улы һәм башкалар катнаштылар.

Дистә еллар дәвамында май аенда Куныр урта мәктәбендә иҗат отчетын үткәрү традициясе бара. Чираттагысы апрельнең 22се көнне мәдәният йортында гөрләп узды. Ярминкәдә укучылар, укытучылар, хезмәткәрләр, әти-әниләр үстергән гөлләр, пешергән тәм-томнар, бәйләгән носки- башмаклар тәкъдим ителде. Икенче өлешендә уку һәм спорт алдынгыларын бүләкләү һәм концерт булды. Быел беренче мәртәбә “Якты юл” һәм “Активист” күмәк хуҗалыклары укуда иң яхшы нәтиҗәләргә ирешкән укучыларга үзләренең грантларын тапшырдылар. ”Якты юл” ҖЧҖ нең акчалата бүләге 4сыйныфтан Юнысова Зилиягә, 9 сыйныфтан Муллагалиев Василга, 10 сыйныфтан Низамиева Илүзәгә, ә “Активист” күмәк хуҗалыгы ның гранты 9сыйныфтан Михайлова Снежанага тапшырылды. Елның “Иң яхшы спортчылары” да ачыкланды: 1 урынга 7 сыйныфтан Дәүләтшин Рәсүл, 2 урынга шул ук сыйныфтан Шәйхетдинов Зөфәр, 3 урынга 9 сыйныфтан Сөләйманов Ислам лаек булды. Кичәнең концерт өлешендә һәр сыйныф тамашачыларга үзләренең иң матур номерларын тәкъдим иттеләр.1 сыйныфның “Валенки” , 2 һәм 10 сыйныфларның бергә башкарган “Дуслык”, 3 сыйныфның “Балачак” биюе, 4 сыйныф малайларының “Шушы яктан, шушы туфрактан без” һәм Сафиуллин Ризванның “Пар ат” җырлары, 5 сыйныф кызларының үзбәк халык биюе, 6 сыйныфның “Ромашка” , 7 сыйныфларның тулы коллектив белән башкарган мари һәм рус , 8 нчеләрнең һинд биюләрен тамашачылар аеруча җылы кабул итте. 9 сыйныфтан Сафиуллина Индираның гитарада уйнап башкарган “Яшьлегем чишмәләре”, 10 сыйныфтан Заһидуллина Айзиләнең “Карлыгач”, Шәйхетдинова Зиләнең “Сусау” җыры, 11сыйныфтан Әюпова Зөһрәнең ”Тормышымның матурлыгы” җырын зал көчле алкышларга күмде. 6 нчы сыйныфтан Гарифуллина Сөмбел, 7нчедән Саттаров Рүзәл, 9 сыйныфтан Сафиуллина Индира һәм Нигъмәтҗанов Рәдифләр кичәне үзенчәлекле , матур итеп алып, үзләренең оста конферанс булуларын расладылар.

  Моннан нәкъ 130 ел элек, 1886 елның 26 апрелендә Габдулла – мәшһүр Тукай дөньяга килә. Бүген илебезнең төрле төбәкләрендә олуг шагыйребезне зур хөрмәт белән искә алдылар. Шушы олы юбилей уңаеннан, мәктәбебездә “Без – Тукайлы халык”  кичәсе үтте. Кичәдә башлангыч, 5,8 сыйныф укучылары башкаруында бөек шагыйребезгә багышланган шигырьләр, аның сүзләренә язылган җырлар яңгырады. 

Татарча көрәш буенча 1 урын алган Дәүләтшин Рәсүлне котлыйбыз.

100 метрга йөгерү буенча 1 нче урын,1500 метрга йөгерү буенча 2 нче урын алган Идрисова Гөлчәчәкне котлыйбыз.

Бүген мәктәпнең иҗат отчеты була.

Концерт номерлары.

Ярминкә.

Рәхим итегез.

Бөтендөнья Җир көне карата  5-9 сыйныф укучылары тирән  эчтәлекле сценарий куйдылар