25-26 нче октябрь көннәрендә "Чисталык" акциясе үткәрелде.

2011-2012 нче уку елына куелган бурычларның берсе булып "Бала тәрбияләүдә әтиләрнең ролен арттыру”тора. Шуңа күрә без әтиләрне ачык дәресләргә дә еш чакырабыз.
 14 нче октябрьдә алар өчен беренче дәресләр үткәрелде.

8нче октябрь көнне Балтачның яңа спорт сараенда балалар бакчасында тәрбияләнүчеләр катнашында спорт фестивале булды. Безнең балалар бакчасыннан да 2 бала көч сынашты. Кенә, Кенәбаш, Шубан балалар бакчасыннан килгән сабыйларны “Дуслык” исеме берләштерде.

Хөрмәтле укытучылар!Сезнең барыгызны да һөнәри бәйрәмегез белән котлыйбыз.Сезгә авыр эшегездә сабырлык һәм түземлек,гаиләләрегездә тынычлык  телибез.Безнең Кенәбаш башлангыч мәктәп-балалар бакчасының балалары укытучыларны бәйрәм белән котладылар.

Әби!Бабай! Нинди матур яңгырый бу сүзләр!Бу сүзләр “әни”,

“әти” дигән сүзләр кебек үк кадерле һәм якын.

 Балалар "Дизайн" түгәрәгендә әби-бабайлары өчен бүләкләр ясадылар. Дәресләрдән соң яңа җырлар,шигырьләр һәм биюләр өйрәнделәр.

Бүген -27 нче сентябрь, тәрбиячеләр көне. Балалар бакчасында бөтен хезмәткәрләр дә тәрбияче. Берәүләр турыдан –туры тәрбияләсә, икенчеләре тәмле азыклар пешерә, бүлмәне чисталыкта тота, урын-җирләрне юа. Һәрберсе яхшы үрнәк күрсәтә, тәрбия өлкәсендә ярдәм итә. Шуңа күрә без бүген һәрбер бакча хезмәткәрен бәйрәм белән тәбрик итәбез. Аларга ныклы сәламәтлек, авыр хезмәтләрендә түземлелек, сабырлык телибез. Әти-әниләр, балалар белән уртак тел табып эшләүләрен, һәрбер баланы үз баласыдай яратуларын, аларны тәүфикълы, итәгатьле итеп үстерүләрен теләп калабыз.

Көзнең бер матур көнендә табигатькә экскурсиягә бардык.

Кадерле укучылар, хөрмәтле кунаклар! Бүген 1 сентябрь. Җәй айларының үтеп китүен сизми дә калганбыз. Менә тагын без сезнең белән шушы залга “Белем көне”нә җыелдык. Барыгызны да шушы матур бәйрәм белән чын күңелдән котлыйбыз. Яңа уку елында сезгә зур уңышлар, нык сәламәтлек, сабырлык телибез.

С 5 по 15 сентября состоится компьютерное тестирование по Системе работников образования РТ.