Җәй тәмамлану моңсулык тудырса да, мул уңыш шатлык китерә!

Бакчабызда зур байлык

Бергәләп казып алдык.

Күрегезче кешеләр,

Бездә гигант кишерләр!

Бүген укытучыларны нәниләребез дә котлады. Изле теләкләрен әйтеп, чәчәк бәйләмнәре бүләк иттеләр.  

             Кадерле укытучылар, сезне бәйрәмегез белән ихлас күңелдән котлыйбыз. Авыр әммә җаваплы һәм мактаулы  эшегездә зур уңышлар, корычтай нык сәламәтлек, кояштай озын гомер, иксез – чиксез сабырлык, гаилә бәхете телибез. һәр таңны сау – сәламәт каршылагыз, һәр яңа көн сезгә сөенеч, шатлык, бәхетләр генә алып килсен, замана авырлыклары, күңел төшенкелеге сезне читләтеп үтсен. 

              Нигә бүген алтын нурлар

             Урманнарга йөгерә?

             Нигә безне көзге кояш

             Җәйдәгечә кыздыра?

             Ай нинди көн, нинди көн бу?

             Кыздыра кояш көзне.

            Шул кояштай якты сыман

            Укытучылар көне.

Укучылар тәрбиячеләрне бәйрәм белән котладылар һәм чәчәк букетлары тапшырдылар.

26нчы сентябрь көнне “Кросс Нации” үткәрелде. Барлык мәктәп хезмәткәрләре һәм укучылары катнашты. Балалар арасында урыннар билгеләп үтелде. Иң өлгере булып Галиахметова Динә билгеләнде.

Бик куңелле бу шимбә

Бар кеше дә йөгерә.

Беренчелекне алырга

Теләми соң кем генә!

Хезмәтебезне хөрмәтләп,

Уңышыбыз булды күпләп.

Безнең мәктәп бик тырыш - 

Шуңа да мул уңыш!!!

Яшел, сары, кызыл...

Бар төсләр дә бар монда.

Походта түгел без гуя -

Әкият дөньясында.

Табигатьнең матурлыгы

Сокланып та туймаслык!

Бик куңелле булды безгә,

Рәхәтләнеп уйнадык!

Яратабыз саф һавада

Зарядкалар ясарга,

Урамнан арып кергәч

Тәмле итеп ашарга.

Кечкенә генә булсак та

Өлгерәбез бар җиргә,

Нәни кулларыбыз белән

Сәлам бирәбез сезгә!

Мәктәбебез бакчасына

Алтын көз килеп җиткән,

Агачларның яфрагына

Кызыл - сары төс сипкән!