1 нче сыйныф  укучыларын Мәктәп дигән белем йортындагы 1 нче җиңүләре Әлифбаны тәмамалау бәйрәме белән котлыйбыз. Алдагы укуларында уңышлар телибез!

 15 февраль - Герой шагыйрь Муса Җәлилнең туган көне.  Музейда Муса Җәлилнең туган көненә багышланган дружина сборы булды. Сборда Муса Җәлилнең тормыш юлы, иҗаты искә төшерелде. Сборның икенче өлешендә шагыйрьнең шигырьләренә  конкурс оештырылды.

 14 февраль - Гашыйклар көне билгеләнеп үтелде. Укучылар иртәдән барлык укытучыларны, укучыларны бәйрәм белән котлап открыткалар өләштеләр. Дәресләрдән соң 5-7 сыйныфлар өчен "Гашыйк парлар" бәйгесе булды. Ә 8-11 сыйныфлар өчен кич белән "Гашыйк йөрәкләр" бәйгесе дискотека белән берлектә  оештырылды.  Түләүле дискотека "Чын йөрәктән" исемле акциягә багышланды.

Татар теле һәм әдәбияты укытучысы – Гарифуллина Эльмира җитәкчелегендә “ Мәктәп сулышы” газетасының 2 нче саны дөнья күрде. Газетаның редакторы: Сибагатуллина Назилә, Нәбиева Йолдыз. Фоторедактор: Хөсәенова Фәридә. Газетада мәктәп тормышы, төрле яңалыклар, укучыларның ирешкән уңышлары, укытучылардан алынган кызыклы интервью, белдерүләр һ.б. мәгълүматлар урын алды.

12 февраль көнне мәктәптә әти-әниләр конференциясе булды. Конференциядә педиатр Наилә Мухаметовна һәм сәнгать мәктәбенең хореография укытучысы Наилә Фаритовна чыгыш ясадылар. Мәктәпнең үзидарә әгъзалары - волонтерлар "Чын йөрәктән" дип аталган  акция игълан иттеләр, катнашырга чакырдылар.

Башлангач сыйныф укытучылары  Ватанны саклаучылар көненә багышлап әле генә солдат хезмәте тутырып кайткан Сагъдиев Раил белән очрашу үткәрделәр. Раил балаларны солдат тормышы белән таныштырды. Укучылар бик кызыксынып тыңладылар. Соңыннан үзләрен кызыксындырган сорауларына җаваплар тыңладылар.Башлангыч сыйныф укучылары очрашуга килгән өчен  бик зур рәхмәт әйтеп озаттылар.

Хоккейная команда МБОУ “Карадуванская СОШ” заняла III  на Республиканских соревнованиях юных хоккеистов клуба «Золотая шайба» им. А.В. Тарасова среди команд младших юношей 2002-2003 г.р. на открытых площадках в сезоне 2013 года.

2013 елның 9 февралендә бөтен коллектив чаңгыга басты. Мәктәптә "Лыжня Карадуван 2013 " гөрләп узды. Укучылар, укытучылар , әти-әниләр үз-ара көч сынаштылар. Җиңүчеләр билгеләнде, иң актив гаиләләр бүләкләнде. 

7 февраль  көнне мәктәбебездә традиция  буенча «Дөнья биюләре” фестивале үтте. Фестивальгә һәр класс бик яхшы итеп әзерләнгән. Жюри әгъзаларына бәя бирү  бик җиңел булмады. Тик шулай да , Һәрбер әзерләнгән  биюгә  урын чыгарылды. Шулай итеп 9 класс укучылары “Еврей” халыклары биюе белән “гран при “ яуладылар, “Һинд” биюе белән 7 класс укучылары I урынны, «Украин» халыклары биюе белән  3 класс укучылары II урынны, «Америка чаплиннары» биюе белән 5 класс укчылары III урынны яуладылар. Калган класс укучылары актив катнашулары  өчен грамота белән бүләкләнделәр. Киләчәктә дә  безнең укучыларыбыз шундый матур биюләре белән сөендерерләр дип ышанып калабыз. Уңышлар сезгә укучыларыбыз!

6 нчы февраль көнне 4 сыйныф укучылары бик зур сынау аша үттеләр. Математика фәненнән  мониторинг булды.