«Хыял» балалар оешмасында үзидарә членнары катнашында министрлар кабинеты утырышы уздырылды. Утырышта оборона-масса айлыгы барышы, әтиләр бәйрәмен уздыру, гашыйклар бәйрәменә карата акция уздыру турында фикер алышу булды.

Сакчыллык министры Нәбиев Марсель дәреслекләр тотылышын тикшерү буенча рейд  уздырды. Рейд нәтиҗәсендә 8кл, 10а классында китапларын тышламаучы укучылар барлыгы ачыкланды.

Без һәрвакыт һәйкәл яннарын тәртиптә тотарга тырышабыз. 10а классы укучылары батырлар һәйкәле янындагы тәртип өчен җаваплы.Бүген, кичәге бураннан соң, һәйкәл янын кардан чистартып кайттык.

Яңгул мәдәният йортында "Универсиаданы каршылап" дип аталучы чара узды. Анда Яңгул, Смәел, Шеңшеңәр, Нөнәгәр мәктәбе укучылары чыгыш ясады.

«Хыял» балалар оешмасы газетасының чираттагы номеры чыкты. Әлеге газетада ай дәвамында булган яңалыклар, укучыларның мәкаләләре басылды.

Мәктәптә әти-әниләр университеты уздырылды. Анда полициядән балигъ булмаган балалар белән эшләү бүлеге инспекторы Ләйсән Газинуровна, Яңгул амбулатория шифаханәсеннән балалар медсестрасы Гарипова Зәйнәп, МЧСтан Гыйлманов Ниязлар катнашты.

Укытучылар арасында район күләмендә спартакиада уздырылды. Укытучыларыбыз уңышлы чыгыш ясап, 22 мәктәп арасында 9 урынны яуладылар 

Район күләмендә ФОРПОСТ отряды җыелышы уздырылды. Мәктәбебезнең отряд членнары биредә катнашып, отряд эшчәнлеге серләренә төшенделәр.

Район күләмендә ООО “Труд” призына кул көрәше буенча ярыш уздырылды.

“Хыял” үзәгендә класс хакимият башлыклары өчен утырыш уздырылды.