Биектауда "Сабантуй" газетасы призына татарча көрәш  ярышы узды. Әлеге ярышта мәктәбебездән Хабибрахманов Р. һәм Ашрапов Р. ләр катнашты. Ашрапов Р. республика күләмендә 3 урынга лаек булды.

Район күләмендә ГТО нормалары тапшыруда мәктәбебездән  4 сыйныфтан Сибагатуллин Р., Мотигуллина С., 5 сыйныфтан Шакиров И., Хабибуллина Ә.ләр катнашты. Укучыларыбыз уңышлы чыгыш ясап, һәрберсе берничә төр буенча призлы урыннарга ия булдылар.

Бәйрәм көн булуга карамастан мәктәпнең хоккей мәйданчыгы гөр килеп торды. Биредә традицион рәвештә мәктәбебезнең элекеге физкультура укытучысы, мәрхүм Газизҗан Газыймов истәлегенә хоккей ярышы узды.

Мәктәп күләмендә традицион аҗаган уены узды.

Бүген мәктәптә туган тел көне билгеләп үтелде.  11 сыйныф укучылары өчен "Тел- күңел көзгесе" исемле әдәби кичә узса, 7 сыйныф укучылары  өчен "Туган телем-татар теле" исемле сорау-җавап кичәсе уздырылды.

23 февраль- Ватан сакчылары көне уңаеннан, 5-8 сыйныф укучылары арасында, "Әйдәгез ярышабыз!" дип исемләнгән ярыш уздырылды. Ярыш сыйныфлар арасында барды. Җиңүче командаларга мәктәп грамоталары тапшырылды.

Оборона-масса һәм спорт айлыгы кысаларында мәктәп күләмендә газета чыгарылды. Газета батырлык темасын яктыртты.

Бүген 1-4 сыйныф укучылары өчен "Кышкы уеннар" дигән ярыш уздырылды.Укучылар саф һавада күңелле ярышларда катнаштылар.

Бүген мәктәбебез укучылары авылыбыз һәйкәлләрен чистарту буенча чираттагы рейдларын уздырдылар. 8 сыйныф укучылары  Советлар Союзы Герое Габдулла Гарифуллин каберен, ә 10 сыйныф укучылары авылыбыз уртасындагы обелискны кардан чистарттылар.

Чехов шәһәрендә армсрестлинг буенча Россия чемпионаты узды. Әлеге ярышта Татартстан командасы 1 урынны яулады. Команда составында мәктәбебез укучылары да бар иде. Алар бу ярышта уңышлы чыгыш ясадылар һәм җиңү яуладылар. 8 сыйныф укучысы Салахетдинова Э. 3 урынга,ә  7 сыйныф укучысы Габделхакова Р. 4 урынга лаек булды.