Беркөнне без сыйныфыбыз белән походка бардык. Без сыйныф җитәкчесе Чулпан Мөдәрисовна белән бик матур җирдә – Шушма буенда туктадык. Безне башлангыч сыйныфта укыткан Ильмира Гаднановна һәм Гөлзилә Нәкыйповна көтеп тора иде. Без барыбыз аптырашта калдык, чөнки алар киләсен безгә беркем дә әйтмәде.Без кочаклаштык, аларның хәлләрен сораштык. Укытучылар безнең укуыбыз, киләчәккә максатларыбыз белән кызыксынды.Алар безгә бүләкләр дә алып килгәннәр иде.Аннары алар безне үзләре пешереп алып килгән коймаклар, карбыз белән сыйлады.Шулай итеп вакытны бик күңелле үткәрдек.