15 октябрь көнне “Гимназия көне” дип исемләнгән бәйрәм үткәрелде. Бу көнне гимназия иртәдән үк шау-гөр килеп торды. Иртәнге линейкада бәйрәмгә старт бирелде. Аннары һәрбер класс үз программалары буенча бәйрәмне дәвам итте. 2-4 класслар өчен “Күңелле стартлар” дип исемләнгән  спорт ярышы үткәрелде. Соңыннан алар үз көчләрен “Минута славы” проектында сынадылар. Әлеге проектта җиңүчеләр булып 1А, 3А нче класслары һәм Зарипов Якуб (3А), Залялов Илдар (3Б), Нуриева Алсинә (4А) танылдылар. 1А һәм 1Б класс укучылары хәзер чын гимназист булдылар. Чөнки алар  өчен “Гимназистка багышлау” бәйрәме оештырылды. 5-8 сыйныф укучылары “Чыныгу мәктәбе”ндә катнаштылар. 6А, 8Б, 7А сыйныфлар бу ярышта иң беренчеләрдән булдылар. Ә югары класслар (9-11) башта “Күңелле кәеф” проектында нәрсәгә сәләтле икәнлекләрен күрсәттеләр, аннары күңел ачу аттракционнары әзерләделәр. Иң кызыклы аттракционнар белән башкаларны 11А, 11Б, 10Б, 9А сыйныфлары куандырды. Иң актив укучылар йомгаклау тантанасында грамота һәм бүләкләр алдылар. Бәйрәм беткәч,  укучылар шат кәеф, күтәренке күңел белән өйләренә таралыштылар.