21-23 нче апрель көннәрендә Балтач гимназиясенең 10 нчы сыйныф укучысы Давид Аветисян Мәскәү шәһәренең Goоgle компаниясендә булып кайтты. Әлеге сәяхәткә ул “IT –чемпион” бәйгесендә җиңеп лаек булган иде. Давид сыйныфташлары белән үзенең хис-кичерешләрен уртаклашты. Кызыклы очрашулар, төрле чаралар, экскурсияләр турында мавыктыргыч итеп сөйләде. Үзе шикелле чакырылган кунаклар арасында бик белемле, иҗади яшьләр барлыгын искәртте. Әлеге компаниягә хезмәткәр булып урнашуның катлаулы икәнен, аларның эш режимын, кунакчыллыгын, бинасының яхшылыгын, гомумән , бу сәяхәттән канәгать булуын әйтте.

Давидның фоторәсемнәрен карап, чыгышын тыңлагач, без дә үзебезне Goоgle да булган кебек хис иттек. Шушындый сәяхәткә лаек булган һәм безне дә әзме-күпме әлеге мохиттә “яшәткән” Давидка киләчәктә дә уңышлар телибез.