14- март көнне Балтач урта мәктәбендә “Шаги в науку-2014” республика фәнни-гамәли конференциясенең йомгаклау туры булып узды. Республикабызның төрле төбәкләреннән килгән укучылар белән бергә безнең мәктәбебездән бу конкурста тарих, география, биология,экология, информатика фәннәре буенча укучылар матур гына чыгыш ясады. Иң зур мактауга лаек булган укучыларыбыз 10 – класстан Галимуллина Розалина һәм Васильева Регина. Кызларыбызның “География һәм экология” секциясендә эшләре иң яхшы дип бәяләнеп, II – дәрәҗә дипломга лаек булды. Кызларыбыз һәм аларның укытучылары Залялова Алсу Икрамовнаны һәм Хафизова Эльвира Мударисовнаны бу җиңүләре белән котлыйбыз, алга таба да зур уңышлар телибез.