Озайтылган көн төркеме атналыгында «Минем әти — солдат» фотокүргәзмәсе оештырылды. Һәр гаиләдә яклаучылар бар: бабайлар, абыйларыбыз һәм, әлбәттә инде, безнең яраткан әтиләребез. Ир-атлар хаклы рәвештә Ватаныбызны, туган ягыбызны саклаучылар булып санала. Балалар әти-әниләре белән өйдән әтиләренең армиядә хезмәт иткән вакытта төшкән фотоларын алып килделәр, фотокүргәзмә ясадылар. Әлеге фотокүргәзмә  балаларда Россия армиясе турында күзаллаулар формалаштыру, әтиләрнең портретлары укучы балаларда үз армияләре өчен горурлык хисе, туганнарына мәхәббәт һәм әтиләренә охшарга теләк тәрбияләү максатыннан эшләнде.