Балтач мәдәният үзәгендә һөнәри бәйрәмнәре уңаеннан, укытучылар һәм тәрбиячеләр хөрмәтенә бәйрәм чарасы үткәрелде. Иң матур, җылы сүзләр яшь буынга белем һәм тәрбия орлыклары өләшүче мактаулы һәм җаваплы һөнәр ияләренә багышланган иде. Бәйрәм чәчәкләргә дә, бүләкләргә дә бай булды. Район башлыгы Рамил Нотфуллин үз чыгышында укытучыларның хезмәтенә югары бәя бирде, яшь буынны тәрбияләүдә, ныклы белем бирүдә киләчәктә дә зурдан-зур уңышлар теләде. Хезмәтендә аеруча уңышларга ирешеп эшләгән педагогларга хөкүмәт бүләкләре тапшырды.