«Факел» яшьләр (яшүсмерләр) клубы хезмәткәрләре, волонтерлар белән берлектә, мөмкинлеге чикле балалар янында кунакта булды. Изге күңелле тылсымчылар берничә баланың өенә барып, аларга онытылмаслык балачак мизгелләре бүләк итте - бик кызыклы форматта «Шалкан» әкиятен сәхнәләштерде. Әкияттәге тычкан һәр балага күчтәнәч тапшырды. Балаларның елмаюлы йөзләрен күрүдән дә шатлыклырак мизгелләр юк ул! Һәр бала да үз әти-әниләре, якыннары янында, аларның күңел җылысын һәм яратуын тоеп яшәсеннәр!