2 нче И сыйныфы Чечен сугышы ветераны, полициянең отставкадагы подполковнигы А.К.Гыйззәтуллин белән очрашты. Балалар өчен бу очрашу бик кирәкле һәм файдалы булды. А.К.Гыйззәтуллин укучыларны үзенең хәрби язмышы белән таныштырды, шул елларны искә төшерде. Чечен сугышы турында сөйләде, йөрәк яраларын яңартты. Өлкәннәргә, бигрәк тә сугыш һәм тыл ветераннарына хөрмәт, патриотизм хисе тәрбияләде. Очрашу барышында укучылар ветеранга үзләрен кызыксындырган сорауларны бирделәр һәм җавап алдылар. «Артык курку хисе булмады. Күнегелгәч, барысы да гадәти хәл кебегрәк кабул ителде», - дип сөйләде ветеран. «Җир йөзендә сугышлар башка кабатланмасын. Яшь егетләрнең гомерләре вакытсыз өзелмәсен, ата-аналар кайгы яше түкмәсен иде,» - дип тәмамлады үз чыгышын Ансар Кадыйр улы. А.К. Гыйззәтуллин тормышта төрле хәлләрне күргән, ләкин сынмаган, сыгылмаган кыю ир кеше ул. Рәхмәт, Сезгә!