Кешенең тормышта үз урынын табуы, бәхетле булуы һөнәрне дөрес сайлавына да бәйле. Шуңа күрә мәктәптә укыганда ук, профессия сайлауга бик җаваплы карарга кирәк. Укучыларга үзләренә яраклы һөнәрне табарга булышу максатыннан гимназиядә даими эш алып барыла.

Юриспруденция белән бәйле профессия вәкилләренең эш үзенчәлекләре белән танышу өчен, 10а сыйныфы укучылары район эчке эшләр бүлегендә экскурсиядә булды. Балигъ булмаганнар белән эшләү бүлеге инспекторлары Фәйзрахманов Н. Н. Һәм Нәҗипова Л.Г. полиция хезмәткәре һөнәре турында җентекләп сөйләде, алар белән таныштырып, укучыларның сорауларына җавап табарга булышты. Эчке эшләр бүлеге җитәкчесе Таҗетдинов Р .А . да укучыларны кабул итте, аларга үз киңәшләрен бирде. Очрашуда сак хезмәте бүлеге җитәкчесе Хәйретдинов А.Ф. ның үз эшләре турындагы фикерләре белән уртаклашуы да бик файдалы булды.