Октябрьдә Балтач гимназиясенең 1нче и сыйныфында берьюлы ике бәйрәм булды. Укучылар гимназиянең туган көнен дә билгеләп үтте һәм үз гомерләрендәге беренче уку чиреген тәмамлап, беренче тапкыр каникулга чыкты. Гимназия көне кысаларында балалар аның тарихы, символлары белән танышты,  аларны гимназистлар сафына кабул иттеләр. Икенче бәйрәм - беренче каникуллар бәйрәме. Мальвина һәм Буратино укучыларның ике ай дәвамында математика, азбука, әлифба, инглиз теленнән туплаган белемнәрен сынады. Кичә ахырында иң зур уңышларга ирешкән укучылар билгеләнде, балалар әти-әниләр һәм укытучыларның күчтәнәчләре белән сыйланды. Шундый яхшы кәеф белән каникулларга таралыштылар.