Укуны кайда дәвам итәргә? 9-11 сыйныф укучыларын һәм аларның әти-әниләрен  иң борчыган сорауларның берседер бу, мөгаен.   Кешенең  мәктәптән соңгы бөтен  тормышы нинди һөнәр сайлауга бәйле бит. Бу мәсьәләнең  җитдилеген аңлап, гимназиядә  укучыларга һөнәр сайларга булышу йөзеннән максатчан эш алып барыла. Шундый чараларның берсе узган атнада булды. КНИТУ галимнәре белән очрашу вакытында укучылар бу югары уку йортында алырга мөмкин булган белгечлекләр, укырга керү шартлары, яшәү шартлары  һ.б. турында тулы мәгълүмат алдылар. Очрашу кызыклы һәм эчтәлекле булды.