Мәктәпләрдә киләчәк буынны патриотик хистә тәрбияләүгә зур әһәмият бирелә. Шул исәптән, төрле уеннар, ярышлар үткәрелә. 23 нче февраль-Ватанны саклаучылар көне. Без ел саен аны бәйрәм итәбез. Һәр мәктәптә 23 нче февраль хөрмәтенә сыйныфлар арасында "Аҗаган" уеннары үткәрелә. 22 нче февраль - "Аҗаган" көне иде. Без анда төрле-төрле хәрби һөнәрләр буенча ярышларда катнаштык: мылтыктан ату, беренче ярдәм күрсәтү, гранаталар эзләү, Морзе әлифбасы кулланып мәсьәлә чишү, учак ягу һ.б. Барлык сыйныфлар да алларына куелган йөкләмәләрне уңышлы башкарып чыктылар. 27 нче февраль көнне гимназиядә строй җырлары бәйгесе үткәрелде. Һәр сыйныф үзенең стройда йөрү осталыгын күрсәтте. Ватанны саклаучылар киләчәк буыннар күңелендә мәңге яшәргә тиеш. Без һәрвакыт Ватанны скаларга һәм яратырга тиешбез.