13нче октябрь көнне "Балтач спорткомплексы"нда 2004-2005нче елгы укучылар  арасында район буенча волейбол ярышы узды. Ярышта Балтач гимназиясе кызлары командасы беренче урын яулады. Бу җиңү безгә бик авыр бирелде. Хәлиткеч  уеннарның берсе  Пыжмара командасы белән иде, ләкин бернигә дә карамастан, без, үзебезнең көчебезгә ышанып, беренче урынга лаек булдык. Башка елларда җиңә алмаган Кенә командасын да өченче урынга  калдырдык.  Бу җиңү гимназия тарихында күп елларга истәлек булып калыр дип ышанып калабыз. Җиңү яулауда  тренерыбыз Фәридә Савиловнаның хезмәте зур булды. Аңа олы рәхмәтләребезне җиткерәбез. Республика ярышларында да безгә уңышлар юлдаш булсын иде! Гимназиянең егетләр командасы да сынатмады: 2нче урын яулады. Аларны да бу җиңүләре белән котлыйбыз.