Көз. Муллык, байлык, сарылык, моңсулык... Әйе,саный китсәң, әлеге ел фасылы турында бик күп сыйфатлар әйтеп була. Әмма минем әйтергә теләгәнем бу вакытның табигый матурлыгы гына түгел, ә күңелдәге матур хисләр, төгәлрәк итеп әйткәндә, 5 октябрь –Укытучылар көне алып килгәннәре турында.

    Шушы көнне укучыларыбыздан  ишеткән яхшы сүзләр, ихлас теләкләр һәрбер мөгаллимнең күңелендә озак сакланыр. Чыннан да, гимназиябезнең балалар үзидарәсе быелгы 5 нче октябрьне истә калырлык итеп оештырган иде. Иртәдән үк һәр укытучыны зур игътибар белән каршы алып, үзләре әзерләгән бик кызыклы “сюрпризлар”  бүләк иттеләр. Тәнәфестә мөгаллимнәрне линейкага җыеп, Мактау грамоталары белән зурладылар. Дәресләр беткәч тә буш итмәделәр: концертка дәштеләр. Кыскасы, бу көн киләчәктә кулга-кул тотынышып эшләрдәй укучыларыбыз барлыгына ышанычны арттырды, зур һәм хәерле эшләргә өметләндерде. Бүгенге матур мизгелләр өчен укучыларыбызга олы рәхмәт; укуларында зур уңышлар, якты хыялларының тормышка ашуын телим.