17нче март көнне  8нче б сыйныфында Григорьев Сергей Анатольевич “Сәламәт тәндә-сәламәт акыл” темасына  мастер-класс  тәкъдим итте. Сөйләшү:“Иртәнге гимнастиканы кемнәр ясады?”- дигән сораудан башланды. Кызганыч, кул күтәрүчеләр сирәк булды.Сергей Анатольевич  иртәнге гимнастиканы  ясауның кеше организмы өчен кирәклеген аңлатты һәм күнегүләр күрсәтте. Шулай ук спорт һәм физкультураның аермасы турында сөйләшү булды. “Барлык кеше дә спортчы була алмый, әмма һәркемгә дә сәламәт булу өчен  физик күнегүләр эшләү кирәк. Нинди һөнәр генә сайласагыз да, сау –сәламәт булганда гына эшли алачаксыз”, -дип укучыларга киңәшләрен бирде, үзенең спортчы буларак ирешкән уңышлары турында сөйләде.