“Хәзерге заманда кызлар пешерә белми” - дип зарланырга ярата кайберәүләр. Балтач гимназиясенең 7 нче А сыйныфы кызлары моның киресен дәлилләде. 16 нчы март көнне Хаҗиева Фәния Рәкип кызы җитәкчелегендә ике бригада бисквитлы торт пешерү буенча мастер-класс үткәрде. Чара камырның төрләре, составы, пич температурасы, гигиена һәм куркынычсызлык кагыйдәләре белән таныштырудан башланып китте.  Шулай ук төрле кремнар һәм бизәү төрләре турында белешмә бирелде. Үзләре пешергән, телеңне йотарлык, торт һәм пирожный белән чәй эчү укучыларның күңелен тагын да күтәреп җибәрде. “Эшләгәнең минем өчен булса, өйрәнгәнең үзең өчен булыр – ди әбиләр. Өйрәнгәнегезнең файдасы тисен кызлар. Афәрин!