Кием – кеше өчен кирәк булган әйберләрнең, мөгаен, иң кирәкле һәм иң әһәмиятлеседер. Кызлар өчен бу өлкә гомумән үзенә күрә бер дөнья. Балтач гимназиясенең дә хәзер үз модельерлары бар. Башлангыч сыйныф укучылары экология һәм иҗтимагый киңлекләр елына багышланган киемнәр коллекциясен чыгарды. Залдагылар экологик материалдан тегелгән күлмәкләргә карап бер соклансалар, чүп пакеты, гәҗит, төсле кәгазьләрдән ясалган киемнәрне күреп телсез калдылар. Монда укучыларның да, укытучыларның да, әти-әниләрнең дә тырышып әзерләнгәне, күп көч куйганы күренеп тора. Үзләре ясаган костюмнарны яклау өлешендә тамашачылар модельерларны көчле алкошларга күмде. Без булдырабыз! Афәрин!