1 сентябрьдә барлык уку йортларындагы кебек үк Балтач гимназиясендә укыту – тәрбия процессының чираттагы – 18нче елы башланды. Гимназиягә чираттагы белем үрләрен яуларга, тәрбия һәм акыл алырга 445 укучы килде. Аларга 53 педагогик хезмәткәр хезмәт күрсәтәчәк. Гимназия яңа уку елын стабильлек елы дип игълан итә. Чөнки үткән уку елы нәтиҗәләре коллектив алдына яуланганнарны ныгыту бурычын куя. 192 укучының (1,2,3,5 сыйныфлар) яңа дәүләт стандартлары буенча белем-тәрбия алулары гына да укытучылар коллективы алдына зур бурычлар йөкли.

Гимназия халкы Белем бәйрәменә шат күңел, оптимистик рух, эшкә теләк, иҗади күтәренкелек белән килде. Бу уку елы буенча дәвам итсен иде.

Шәхси тазалык, эштә уңышлар, тормышта канәгатьлек теләп директорыгыз В.Г.Шакиров.