Хәрби-патриотик айлыкны төгәлләүче чара буларак 4 нче март көнне Балтач гимназиясендә “Аҗаган-2017” уены уздырылды. Иртән башланган бу чарада һәрбер укучы  бик  теләп катнашты. Башлангыч сыйныф укучылары эстафета, мина эзләү, беренче ярдәм һ.б кызыклы станцияләрне үттеләр. Нәтиҗәдә 1 нче урынга 4 нче А сыйныфы чыкты. 2 нче урын 2 нче А сыйныфында, ә 3 нче урынны 3 нче А белән 4 нче В сыйныфлары бүлеште. 5 нче һәм 11 нче сыйныф  укучылары 3 төркемгә  бүленде. Беренче ярдәм, граната ату, учак ягу,  мылтыкны  вакытка  сүтеп  җыю станцияләрен укучылар аеруча ошатты. 5 нче һәм 6 нчы сыйныфлар арасында 1 нче урын – 6 нчы Вга, 2 нче урын – 5 нче А га, 3 нче урын 6 нчы А сыйныфына бирелде. 7 нче һәм 8 нче сыйныфлар арасында зур аерма белән 1 нче урынны – 7 нче А сыйныфы алды. 2 нче урын исә – 8 нче Б га, ә 3 нче урын 7 нче Б сыйныфына бирелде. Өлкән төркемдә 1 нче урынны – 9 нчы Б алды. 2 нче урынга – 10 нчы сыйныф, ә 3 нче урынга 9 нчы А сыйныфы  лаек  дип  табылды. Котлыйбыз! Афәрин!