17 апрель көнне гимназиядә “Рәхмәт белдерү көне” дип игълан ителде. Бу көнне рәхмәт әйтү сүзләре башка көннәргә караганда аеруча күп яңгырады. Укытучылар өчен оештырылган концертта укучылар чыгышлары белән хөрмәт һәм рәхмәт хисләрен белдерделәр. Шулай ук үзләре тимурчылык итүче әби-бабайларны да онытмадылар. Аларның хәлләрен белделәр һәм эшләрендә ярдәм иттеләр.

“Балачак көне”

18 апрель көнне “Балачак көне булып узды”. Чаралар 1-4 сыйныф укучылар өчен оештырылган иде. Алар бу көнне бию конкурсында катнашып үзләренең осталыкларын күрсәттеләр. Шулай ук коллектив рәвештә “Минем поселогым” темасына багышланган аппликация конкурсында үзләре иҗат иткән эшләрне күрсәттеләр. Ә 8 сыйныф укучылары “БУМ” балалар оешмасы белән очраштылар.

“Җир көне”

Яз – табигатьнең яңа сулыш алу һәм яшеллекә төренә башлау вакыты. Ләкин бу матурлыкны кар астыннан чыккан чүп һәм пычрак боза. 1-11 сыйныф укучылары беренчеләрдән булып әйләнә – тирәне чистартуга үз өлешләрен керттеләр. Алар 19 апрель көнне “Планетаны чүптән чистартыйк” акциясе кысаларында үзләренә билгеләнгән урамнарны чистарттылар һәм башкаларны да өмәгә чакырдылар. Шулай ук сыйныфларда экология темасына багышланган тәрбия сәгатьләре үткәрелде.