Мәктәпкәчә белем бирү учреждениесендә балаларда кечкенәдән ватанчылык  хисләре тәрбияләү, туган ил, туган илне саклаучылар турында беренчел күзаллаулар формалаштыру юнәлешендә даими эш алып барыла. 15 апрель көнне Балтач мәдәният үзәгендә тиздән армия сафларына хезмәт итергә китүче яшь ир-егетләр хөрмәтенә бәйрәм кичәсе үткәрелде. Безнең балалар бакчасында тәрбияләнүче малайлар бәйрәмгә “Десантлар” биюе бүләк иттеләр. 

Уртанчылар төркеме балалары "Канатлы дусларыбыз" проекты барышында күчмә кошлар турында белемнәрне төрле эшчәнлекләрдә, дидактик, үстерешле һәм хәрәкәтле уеннар аша өйрәнәләр.

Катаны бар - җилпеми

Эче җылы - җил тими.

Корыч йөрәкле кош ул, 

Безнең яраткан дус ул.

11 апрель - “Ачык ишекләр” атналыгы йомгакланды.  Атналык үзенең максатына иреште дип әйтергә кирәк: үткәрелгән чаралар буенча файдалы һәм эшлекле фикерләр туды, киләчәктә әһәмият бирергә кирәкле бурычлар  ассызыкланды.  Әлеге атналыкта  актив катнашкан  һәр әти-әнигә, педагогларга зур рәхмәтебезне җиткерәбез.

“Ачык ишекләр атналыгы” да бик зур җанлылык белән бара: көн дәвамында әти-әниләрнең барлык төр режим моментлары, балалар эшчәнлеге төрләре белән кызыксындылар: нәниләрнең  математика фәне серләре өйрәнүе, мәктәпкә әзерлек төркемендә грамотага  әзерлек  эшчәнлеге, иртәнге гимнастика һ.б.

Белем учреждениесендә 7-11 апрель көннәре "Ачык ишекләр" атналыгы дип игълан ителде. Атналык планы буенча әти-әниләргә көн дәверендә үзләре теләгән режим моментларын, балалар белән күптөрле эшчәнлек төрләрен күзәтү, белем учреждениесендә тудырылган шартлар белән танышу мөмкинлеге тудырылса, педагогларга үзара тәҗрибә уртаклашып, бер-берсенең педагогик эшчәнлеге белән танышу, туган фикерләр белән уртаклашу өчен бик уңайлы эш формасы булды.

Тиздән 12 апрель - космонавтика көне. Әлеге истәлекле, дөньякүләм билгеләп үтелә торган көн уңаеннан 7-11 апрель көннәрендә балалар бакчасы "Галәм киңлекләре" тематик атналыгы белән яши. Зурлар төркеме балаларын тәрбияче Хазиева Е.П. бик үтемле һәм дә мавыктыргыч итеп "Галәм серләре" белән таныштырды: слайдлар карадылар, табышмаклар чиштеләр, матур әдәбият әсәрләре белән таныштылар, кыскасы, үзебез яшәгән җир планетасы һәм аның иярченнәре турында балалар бик күп башлангыч күзаллау алдылар.

II кечкенәләр -2 төркемендә балаларның иҗади эшчәнлек нәтиҗәләре - тузганак чәчәкләре.