Куркынычсызлык айлыгы максатыннан бакчабызда чираттагы эвакуация уздырылды.

Белем көне – балачак хатирәсе булып һәрберебезнең күңел түрендә саклана торган көн ул. Иң матур кеше – белемгә омтылган кеше. Белемдә – бәхет, белемсезгә – дөнья ләхет, ди бит татар халык мәкале дә. Шуңа күрә һәрчак белемле булыйк, белемгә омтылыйк! Быел беренче мәртәбә парта артына утыручылар тырышып укысын, бетмәс-төкәнмәс белем хәзинәләрен ачсын. Кайгыртучан укытучыларыбызга изге эшләрендә уңышлар һәм сабырлык юлдаш булсын.

Бакчабызда 20 сентябрьгә кадәр куркынычсызлык айлыгы игълан ителде.

Сәламәтлек – ул чыныгу, рациональ туклану, көндәлек режим, яхшы эмоцияләр, хезмәт, начар гадәтләрне булдырмау, һәм әлбәттә хәрәкәт! Бакчабыздагы сәламәтлек сукмагында  балалар бик теләп шөгыльләнәләр.

Гүзәл бакчабызда

Полиция абыйебызны

Һәммәбез дә беләбез.

Тәртипсезлеккә юл куймый

Тәртип саклый абзабыз.

Елмаеп ул безгә карый

Усал түгел күзләре

Тәртип бозган һәр кешегә

Бармагы белән яный.

Без дә аны тыңлыйбыз

Бер дә кагыйдәләр бозмыйбыз.

Бакчабызда суганнар өлгерде,  уңыш җыяр вакыт та  җитте.

Аланнарда – җиләк исе,

Басуларда – иген исе,

Җәйләүләрдә – сөт исе…

Тагын аллы-гөлле чәчәк,

Кайнар кояш өстисе –

Шушы булыр җәй төсе!

Бакчабыз балалары Әлмәт театры аша көчле, батыр , кыю булу серләре белән таныштылар.