Хөрмәтле гүзәл затлар! Табигатьнең суыктан җылылык чорына омтылган мизгеленә туры килгән бәйрәмегез һәрвакыт җылы матур истәлекләр генә калдырсын.

Зурлар һәм мәктәпкә хәзерлек төркеме балалары бакча хезмәткәрләрен 8 март бәйрәме белән котладылар.

Бүген уртанчылар төркемендә Сабантуй ял паркында "Әти,әни һәм мин" дип аталган гаилә бәйрәме узды.Балалар әти-әниләренә багышлап җырлар,биюләр бүләк иттеләр,әти-әниләре белән берлектә ярышлы уеннарда көчләрен сынаштылар.Бәйрәм ахырында тәмле коймаклар белән сыйландылар.
Тәрбиячеләр: Габдулхакова Л.Р., Альмухаметова Г.Р.
Музыка җитәкчесе: Шакирова Г.М.
Физик тәрбия җитәкчесе: Ермалаева М.Р.

Бүген профсоюз исеменнән бакчабызда эшләүче хезмәттәшләребезне бәйрәм белән котладык.
Көннең яктылыгы кояшта,
Күкнең бар матурлыгы йолдызларда,
Кешелекнең бөтен гүзәллеге -
  хатын-кызларда. 
   Рөхсәт итегез сезне, шушы искиткеч матур яз бәйрәме - Халыкара хатын-кызлар көне белән тәбрик итәргә. Күңелегездән шатлык, тәнегездән саулык-сәламәтлек, йортыгыздан иминлек-бәрәкәтлек китмәсен. Бәйрәмегез котлы булсын !
Профком рәисе:Валиуллина Ф.Н.

Бүген мәктәпкә хәзерлек төркемендә " Әнием- кадерлем" дигән бәйрәм иртәсе үтте. Балалар әбиләрен, дәү әниләрен, әниләрен бәйрәм белән котлап шигырь сөйләделәр, җырладылар, биеделәр.Бәйрәм бәйгеләр белән үрелеп барды.Бәйрәмдәге бәйгеләрдә әниләр үзләренең зирәклекләрен, җитезлекләрен күрсәттеләр.                                                                                                                                                                                                 Тәрбиячеләр: Хадиева Ч.М.,Даминова Я М., Шамсутдинова А.Н., Музыка җитәкчесе Шакирова Г.М.

Зурлар төркемендә 8 Март көненә багышланган "Әнием-кадерлем" дип аталган бәйрәм кичәсе узды.Кичә җыр-биюләр, күңелле уеннар белән үрелеп барды.
Тәрбиячеләр: Гильмутдинова Г.Р., Альмухаметова Г.Р.
Музыка җитәкчесе: Шакирова Г.М.

Бүген кече яшьтәгеләрнең икенче төркемендә әнилэр бэйрәме булып узды. Балалар кадерле әниләрен бәйрәм белән котлап җырлар җырладылар, биеделәр һәм шигырьләр сөйләделәр.
Тәрбиячеләр: Валиуллина Ф.Н., Хакимова Г.М.

Тәгәрәтеп ак карны,
Ясадык Кар бабайны.
Куйдык кишердән борын,
Ясадык ике кулын.
Күзләре - кара күмер,
Дидек: "Син урам себер".
Себеркеләр тоттырдык,
Көлешеп карап тордык.
Зурлар төркеме бүген саф һавада Кар бабай ясап,кышны озатып,язны каршы алдылар.
Тәрбиячеләр: Гильмутдинова Г.Р., Альмухаметова Г.Р.

Бүген ир-атлар бәйрәме,
Бәйрәм белән тәбриклик.
Үзләренә пар канатлы,
Матур гомерләр телик.