2011 елның төп вакыйгаларын искә төшереп, шатлыклы мизгелләрне дә, югалтуларны да күз алдыннан кичереп, хәтерне яңартыйк.

 Бу уңайдан Татарстан башлыгы атамасына кагылышлы төрле тәкъдимнәр яңгырады, матбугатта президент итеп калыргамы, әллә илбашы, хан дип аталырга тиешме дигән бәхәс туды.

 Гыйнвар башында Дзержинский урамындагы сәүдәгәр Банарцев номерлары урнашкан бина һәм Чернышевский урамындагы Потехинның тарихи йортлары җимерелде.

 6 февральдә "Казан нуры" мәчете имамы Шамил хәзрәт Исхаков вафат булды. Татарстан театр эшлеклеләре берлегенә яңа рәис итеп, Фәрит Бикчәнтәев сайланды.

 Эрдоган, татфак, Тукай һәйкәлләре

 4 апрельдә Русия ислам университетында Согүд Гарәбстаны патшасы китапханәсе ачылды, РИУ – Русиядә мондый бүләк кабул иткән беренче югары уку йорты. Китапханәдә 22 мең исемдәге 40 мең китап тупланган.

 13 апрельдә Татарстан Диния нәзарәтенең V корылтае узды. Бу гадәттән тыш узган җыен булды. Мөфти намзәтләре арасында Илдус Фәиз, Камил Бикчәнтәев, Габделхәмит Зиннәтуллин бар иде. Корылтай әгъзалары Илдус Фәизне сайлады. Аның өчен 504 тавыш бирелде. Бу җыен узу белән Татарстан мөхтәсибәтләрендә имамнарны алмаштыру башланды.

 26 апрель көнне Шигърият бәйрәмендә 2011 елның Тукай премиясе лауреатлары итеп, шагыйрьләр Лена Шагыйрьҗан, Мөхәммәт Мирза, җырчы Альбина Шаһиморатова, рәссамнар Мария һәм Рөстәм Килдебәковлар танылды.

 Апрель азагында Урыс мәдәнияте оешмасы Татарстанда урыс телен яклап “Татар теле аркасында мәктәп укучылары урыс телен үзләштерә алмый” дип, Татарстан Мәгариф һәм фән министрлыгы каршында пикет уздырды. Бу чаралар Чаллы һәм Уфада үтте.

 14-27 май көннәрендә 1991 елда узган сәяси ачлыкка 20 ел тулды. Бу вакыйганы искә алыр өчен мәйданда ачлык тотучылар, аның шаһитлары ТИҮдә очрашты.

 7 июньдә Сәкинә һәм Миңтимер Шәймиевләр алтын туйларын уздырды.

 “Уникс” клубы үз тарихында алтынчы тапкыр баскетболдан Русия чемпионатының бронза призына лаек булды.

 19 июньдә Шыгырданда II Бөтенрусия татар авыл Сабан туе узды. Киләсе ел зур татар авылларын Сабан туе мәйданында туплаучы авыл итеп Урта Әләзән авылы сайланды.

​​Казанның бу бәйрәме Медведевнең кешеләрне чак таптатмавы белән истә калды. Шушы ук көнне башкаланың Меңъеллык мәйданында “Тынычлык яратылышы” фестивале узды.

2 июльдә Казанның “Татнефть-арена”сында Стинг чыгыш ясады. Билетлары 2 меңнән алып 20 меңгә кадәр бәядән сатылды.

16 июльдә Татарстанның Чүпрәле районы Татар Бизнәсе авылы 1000 еллык юбилеен үткәрде. 17 июльдә Әнкарада татар җәмәгать эшлеклесе Гали Акыш вафат булды.

Ураза гаете, Җәмигъ мәчете, кинофестиваль​​30 августта мөселманнар Ураза гаетен бәйрәм итте. Гает Казанның Мәрҗани мәчетендә үтте, бәйрәм намазына Рөстәм Миңнеханов та килде. Шуны билгеләп әйтергә кирәк, гаетләргә Миңтимер Шәймиев йөрми иде. Шушы ук көнне Татарстанның суверенитет көне билгеләнде.

Татар мөселман өммәте анда катнашучы фильмнар һәм бүләк алучылар белән риза булмаганнарын җиткерде. Исегезгә төшерәбез, быел фестивальнең төп бүләге элекке порнойолдыз Сибель Кекиллига тапшырылды.

20 сентябрьдә озак еллар дәвамында Галиәсгар Камал исемендәге татар дәүләт академия театрында эшләүче артистка Вера Минкина вафат булды. Ул 1918 елның 9 сентябрендә Чистай районының Бахта авылында туган.

Камил Исхаков Җиддә шәһәрендә Ислам конференциясе оешмасы каршындагы Русиянең даими вәкиле вазифасыннан азат ителде.

“Рубин” дөньякүләм танылган һәм көчле командаларга каршы уйнап, Татарстанга дан өсти. Быел Корбан Бердыевның “Рубин” белән җитәкчелек итүенә дә 10 ел тулды. Ул 2001 елның 1 августында баш тренер итеп билгеләнгән иде.

4 декабрьдә Русия дәүләт думасына сайлаулар узды, ул иң күп алдау, хәрәмләшүләр белән аерылып торды. Сайлаулар нәтиҗәсе белән халык килешмичә мәйданнарга чыкты. Татарстанда “Бердәм Русия” 78% тавыш җыйды.

Римма БИКМӨХӘММӘТОВА
Азатлык
№ | 28.12.2011