Шушы исем астында  мөмкинлекләре чикле булган көчле рухлы шәхесләр белән очрашу булып үтте мәктәбебездә. Чулпан Габделганиева бу юлы очрашуга үзенең спортсмен дусларын алып килгән иде. Алар укучыларыбызга шундый мәгънәле, йөрәкләргә үтеп керерлек сүзләр белән  сөйләделәр. Үзләренең  теләк – хисләрен укучыларыбызга җиткерә алдылар. Укучыларыбыз да үзләрен кызыксындырган , алар турында белергә теләгән сорауларын биреп, алар белән  булган әңгәмәне  тагы да  җанландырып җибәрделәр.   Безнең белән очрашуга килгән көчле рухлы, шундый  матур шәхесләребезгә директорыбыз Гүзәл Галимулловна да изге теләкләрен белдерде, аларга олы рәхмәтен җиткерде. Ике арада шундый җылы хисләр тудырган, бик файдалы очрашу  булды ул көнне.