Мәктәбебездә укучыларыбыз көтеп ала торган күңелле бәйрәмнәрнең берсе – көзге бал кичәсе булып үтте. Укучылар кичәгә алдан әзерләнделәр. Башта бәйрәм актлар залында командалар арасында кызыклы уен – бәйгеләр белән үтте, бәйрәмнең икенче өлеше ашханәдә дәвам итте. Кызларыбыз берсен – берсе уздырып матурдан – матур , тәмледән – тәмле салатлар әзерләделәр. Ә әниләребез, әбиләребез балаларга бик тәмле бәлешләр пешереп бирделәр. Менә шулай рәхәтләнеп сыйландылар укучыларыбыз бу көнне көзге муллыктан әзерләнгән ризыклардан. Аннан рәхәтләнеп биеделәр.Бик күңелле үтте бәйрәм. (кызларыбыз әзерләгән салатларны, әниләребез һәм әбиләребез пешергән бәлешләрне мәктәбебез сайтының медиатека бүлегеннән карый аласыз)