Бөрбаш урта мәктәбе коллективы үзенең яраткан биология укытучысы Зөфәр Хилалетдин улы белән хушлашты. Ул 38 ел буе Бөрбаш урта мәктәбендә балаларга табигать серләрен өйрәтте. Тирә – яктагы шаулап үскән урманнарда, шау чәчәкле бакчаларда аның да өлеше бар. Ул хыялый, шаян һәм үзенчәлекле шәфес иде. Хәтере яхшы, энцеклопедик белемгә ия, эшен җиренә җиткереп эшләүче, укытучы исемен лаеклы йөртүче Зөфәр абый безнең белән саубуллашмыйча да китеп барды. Мәкерле авыру аны бу юлы җибәрмәде, без аның шифаханәдән уңайланып кайтуын өмет белән көттек, кабат шаярта, көлдерә безгә, безгә сагынуын аңлата башлар дип көттек. Әмма ... җан өшеткеч хәбәр килде. “Хуш, Бөрбаш авылының “Мичурины”, хуш укытучыбыз! Авыр туфраккайларың җиңел, урының оҗмах түрендә булсын!