Бу атнада мәктәбебездә “Коррупция белән көрәш атналыгына” старт бирелгән иде. Һәр класста әлеге темага багышланган диспутлар, “Түгәрәк өстәл” дә фикер алышулар, анкеталар үткәрелде. Ә менә 5 – класста “Ришвәткә юл юк” дип исемләнгән ачык тәрбия чарасы оештырылды. Презентация, балалар үзләре ясаган плакатлар,  газета материаллары кулланып, укучылар нәрсә ул коррупция, аны китереп чыгаручы сәбәпләр, булдырмау юллары, үзең әлеге очракка тап булсаң нишләргә кирәк ? дигән сорауларга җавап эзләде. Класс җитәкчесе Валиева  Гөлнара Тәлгатовна укучыларын тырышып укырга, җәмгыятькә кирәкле кешеләр, сәләтле белгечләр булу өчен бүгеннән үк  тырышырга кирәклеген аңлата алды.