10 нчы апрель көнне 5 нче сыйныф укучылары татар халкының бөек шагыйре Г.Тукайның тормыш юлы һәм иҗаты буенча үткәрелгән викторинада, 2 командага бүленеп, көч сынаштылар. Бәйгедә "Шүрәлеләр" командасы көчлерәк булды, алар 30 сорауга төгәл җавап бирә алды.

Бу атна тулысы белән "Минем нәсел шәҗәрәм" дип исемләнгән Республикакүләм конкурска әзерлеккә багышланды. Укучылар үзләре әзерләгән кул эшләрен, хезмәтләрен тапшырдылар 

Бу атна вакыйгаларга бай булуы белән башланып китте. Бүген, мәктәбебездә Гүзәл Миннемуллина тарафыннан төрле түгәрәкләр алып баручы хезмәткәрләргә ачык дәрес күрсәтелде.

Узган атнада 6 нчы апрель көнне Васил Гарифуллин призына үткән көрәш ярышында безнең укучыларыбыз зур уңышларга ирештеләр. Аухадиев Ленар, Аухадиев Ранил, Хайруллин Инсаф 2 нче урын, Тимербаев Айрат, Аухадиев Рәмзис 3 нче урынга лаек булдылар. Егетләрне ихластан шушы уңышлары белән котлыйбыз!

4 нче апрель көнне 7 нче сыйныф укучылары җәмгыять белеменнән ВПР биремнәре үтәделәр

2 нче апрель көнне 11 нче сыйныф укучылары тарих фәненнән ВПР биремнәре үтәделәр. Укучылар үз белемнәрен тикшерделәр, хаталар өстендә эш башкардылар. 

Апрель аеннан, укучыларның ел дәвамында алган белемнәрен тикшерү максатыннан, Бөтенрәсәй тикшерү эшләре (ВПР) үткәрелә башлый. Бу эшләр барлык сыйныф укучыларына төрле фәннәрдән биреләчәк. Укучыларыбыз яхшы нәтиҗәләр күрсәтерләр дип ышанып калабыз. 

29 нчы март көнне район беренчелеге призына үткән волейбол ярышында малайлар командасы 3 нче урын яулады. Аларның җитәкчеләре Вәлиев Рөстәм Шәйдулловичка һәм укучыларга котлау сүзләре җиткерәбез, алга таба да уңышлар теләп калабыз.