Бүген, Бөрбаш урта мәктәбе укучылар оешмасы утырышында, министрлар "Аргамак" оешмасы логотибы төшерелгән күкрәк билгесе белән бүләкләнделәр.

Илебез буенча 1 октябрьдә Өлкәннәр көне билгеләп үтелә. Хөрмәтле өлкәннәребезне котлау өчен бу көннәрдә төрледән-төрле чаралар уздырыла.

Бу бәйрәм ничек барлыкка килгәнен барыбыз да беләме? 1990 елның 14 декабрендә 1 октябрь “Өлкәннәр көне” итеп игълан ителә. Иң беренче бу бәйрәмне Европада, аннан Америкада, ә инде 80нче елның ахырында бөтен дөньяда бәйрәм итә башлыйлар.
Дөньяда иң кадерле булган әти һәм әни турында без күп сөйлибез. Ә менә аналарның да, аталарның да әниләре булган, аларга тормыш биргән, кеше иткән кешеләр – әби-бабайларга һәрчак тиешле игътибарны бирмибез.
Әби-бабайлы кешенең нинди бәхетле икәнен һәр бала белә. Алар булмаса, өйдә, гомумән, тормышта ямь калмас иде. Аларны рәнҗетү, берүзләрен ялгыз калдырып китү, алар белән дорфа мөгамәләдә булу зур гөнаһ. Әби-бабаларыбызны хөрмәт итәргә, яратырга, кадерләргә кирәк!
Дустым, бүген син дә яраткан дәү әниеңне, дәү әтиеңне,
олы туганыңны котларга онытма! Җылы сүзләреңне, якты йөзеңне кызганма!

Районның кино һәм видео хезмәткәрләре тарафыннан укучыларга “Со дна вершины” кинофильмы курсәтелде.

23-28 нче сентябрь көннәрендә Бөрбаш урта мәктәбендә макулатура җыю өмәсе оештырылды. Укучылар тырышлыгы белән барысы 1470 кг. макулатура җыеп алынды.
Иң күп макулатура җыючы укучылар:
Нурмиева Зилә (6 класс) - 85 кг
Гарифуллина Хәния (6 класс) – 39 кг
Идрисов Җәлил (9 класс) – 39 кг
Иң күп макулатура җыючы 10 класс (1 укучыга - 16 кг)
 

Бөрбаш урта мәктәбенең Вәлиев Рөстәм Шайдуллович җитәкчелегендәге волейбол түгәрәгенә йөрүче 6-8 сыйныф укучылары район күләм волейбол ярышында катнашып (егетләр) 3 урын, (кызлар) 4 урын алдылар. Әфәрин, егетләр-кызлар!!!
 

Бу көннәрдә Бөрбаш урта мәктәбендә макулатура җыю өмәсе оештырылды. Укучылар тырышлыгы белән барысы 99,1 кг. макулатура җыеп тапшырылды. Укучылар җыелган һәр килограммның агач гомерен саклап калганын,кәгазь эшләүдә җиңеллек тудырганын аңлап эш итәләр. Макулатура җыю эше дәвам итә.

Тәрбияче хезмәте – җаваплы һәм фидакарь хезмәт. Ул көч-энергия һәм бик зур сабырлык сорый. Хөрмәтле Бөрбаш балалар бакчасы тәрбиячеләре, Сезне бәйрәм белэн котлыйбыз!!! Һөнәрегезгә тугры калуыгыз һәм балаларга күрсәткән игътибарыгыз өчен рәхмәт. Көчегез артып торсын, эшләү дәрте сүрелмәсен, балалар белән үзара аңлашып эшләргә язсын, һәрвакыт уңышлар юлдаш булсын сезгә!

"Аргамак" оешмасы активы бүген Бөрбаш балалар бакчасы коллективын тәбрикләделәр.

Безнен мәктәбебездә һәр көнне иртәнге зарядка үткәрелә. Укучыларыбыз ике дәрес үткәннән соң бергәләп иртәнге зарядка ясарга чыгалар. Барысы да бик теләп күнегүләр ясыйлар. Чөнки алар спортның уку өчен дә, сәламәтлек очен дә бик файдалы икәнен беләләр. Зарядкадан соң укучыларыбыз ныклы уку теләге белән кабат дәресләргә кереп китәләр. Укучыларыбызга ныклы сәламәтлек телибез!

Юлларда аварияләр үзләреннән – үзләре генә барлыкка килми. Алар кемнең дә булса теге яки кагыйдәләрне дөрес үтәмәвеннән килә. Шуның өчен дә юл йөрү кагыйдәләрен түбән класслардан үк өйрәтү кирәк. Юл йөрү кагыйдәләрен өйрәнүне кызыклы, мавыктыргыч итеп оештыру уңай нәтиҗә бирә. Интеллектуаль уеннар уздырганда укучылар юл йөрү кагыйдәләре турындагы белемнәрен ныгыталар. 

Бөрбаш урта мәктәбе базасында бу уку елыннан “Кортчылык” һәм “Ландшафт дизайны” түгәрәкләре эшли башлады. Җитәкчеләре – Ләйлә Сабировна һәм Рим Фәргатович. 4-9 сыйныф укучыларын беренче көннәрдән үк түгәрәкләрнең гадәти булмаган исеме кызыксындырды һәм алар анда бик теләп йөри башладылар. Бу түгәрәкләр балаларның танып белү мөмкинлекләрен һәм сәләтен үстерүгә, укучыларның иҗади талантын киңәйтүгә, иҗади әзерлек сыйфатын арттыруга юнәлдерелгән.