Сугыш елларында эшләгән, үзләреннән Җиңүгә зур өлеш керткән тыл ветераннарына медаль тапшыру тантанасында укучыларыбыз да катнашты. Гарипова Фагыйлә, Гаязетдинова Диләфрүз, Бәхтиярова Халидә, Сабирова Гөлнадия, Хәйруллина Сания әбиләр, Аухадиев Рияз бабай бүләкне яшьле күзләре белән кабул итеп алдылар. 

Спорт-сәламәтлек һәм патриотик тәрбия айлыгы чараларының тагын берсе - башлангыч сыйныфлар өчен "Мальчиш-Кибальчиш" уены үткәрелде.

Башлангыч сыйныфлар чираттагы йөзү күнекмәләрен өйрәнүдә - "Дулкын" бассейнында булып кайттылар.

Бүген ТАССРның 100 еллыгы планы нигезендә, укучыларны төрле  һөнәр ияләре белән таныштыру максатыннан Арбор җәмгыяте икътисадчысы Аскаров Самат Г. укучылар белән очрашты, бик кызыклы әңгәмә оештырды. 

Бүген 5-9 сыйныф укучылары арасында "Замана балалары" бәйгесе үткәрелде.Физик тәрбия укытучылары Галимов И.М., Гайфуллин Г.Г. укучыларны интеллектуаль яктан да, физик әзерлек ягыннан да, хезмәт төрләрен белү ягыннан да сынап карадылар. Нәтиҗәләр шәхси беренчелеккә алдагы көнне чыгарылачак.

Бүген 9 нчы сыйныф укучылары рус теленнән йомгаклау әңгәмәсе үттеләр. 

Әфганстаннан совет гаскәрләрен чыгару тәрбия сәгатьләрендә билгеләп үтелде.

1-8 нче сыйныф укучылары арасында Җиңүнең 75 еллыгына багышлап оборона-масса айлыгы кысаларында хәрби җырлар конкурсы үткәрелде. Һәр сыйныф үзләре сайлап алган җырны җиренә җиткереп башкарды.

Муниципаль полиция хезмәткәре Низамиева Ләйлә Фәргать кызы укучылар алдында караклык, тәмәке тарту, сыра эчү, интернетта уен уйнау, мошенникларга юлыгу кебек начар гадәтләргә өйрәнгәндә җавап тоту алымнары турында сөйләде.

Җиңүнең 75 еллыгына багышлап үткәрелүче чаралар кысаларында герой-шагыйр Муса Җәлил турында тәрбия сәгатьләре уздырылды.