Беренче сыйныф укучылары тәрбия сәгатендә Дуслык турында сөйләште. Дус булыгыз, мәктәп елларының кадерен белегез.

Яшь рәссам түгәрәге укучыларның яраткан түгәрәгенә әйләнде. Алар монда бик яратып шөгыльләнә. Җитәкчесе- Фәйзрахманов Радик абыйлары.

Каникулда да укыйбыз, өйрәнәбез. Зур этнографик диктант яздык! 

Озак еллар техник хезмәткәр булып эшләүче Шакирова Ләйлә Мөнир кызын гомер бәйрәме - олы юбилее белән котлыйбыз. Сәламәтлек, камил акыл, олы хөрмәт, күңел тынычлыгы, мул-бай тормышта яшәвен телибез.

Каникул вакытында да 9 нчы сыйныф укучылары имтихан тапшыра. Шулай булмый хәл юк, быел бик җаваплы ел бит - чыгарылыш. Кичә һәм бүген алар рус теле һәм математикадан сынау, ягъни пробный ОГЭ эшләделәр.

Мәктәптә традицион рәвештә I чирек ахырында Уңыш бәйрәме үткәрәбез. Башта башлангыч сыйныф укучылары өчен Күңелле стартлар оештырылды. Җитезләр һәм Көчлеләр дигән ике команда кызыклы спорт ярышларында көч сынашты.

9 нчы сыйныф укучыларының әти-әниләре өчен махсус җыелышта ОГЭ, аңа әзерлек, укучыларның укуга карашы, консультацияләр һб күп мәсьәләләр буенча фикер алышу булды. Төрле фән укытучылары сорауларга җавап бирде.

Уңыш бәйрәмендә югары сыйныф укучылары командаларга бүленеп мини футбол уены уйнады. 

Менә шулай бик матур итеп үткәрәбез без Уңыш бәйрәмен. Үзебез мәктәп бакчасында үстергән яшелчәләр, җиләк-җимешләр белән сыйланабыз. Рәхәт һәм тәмле көн булды бу!

Уңыш бәйрәменең иң күңелле мизгелләре ашханәдә тәмле ризыклар белән сыйлану инде, әлбәттә. Ә ашханәгә кергәндә һәр сыйныф җырлап керә.