Илебез  9 январьда    Ватан Геройлары көнен билгеләп үтә. «Музей дуслары»  берләшмәсенең яшь   туган төбәкне өйрәнүчеләре  Социалистик Хезмәт Герое исемен йорткән авылдашыбыз Кәримов Фахразый Шәмсимөхәммәт улы катнашында “Районыбыз горурлыгы бездә кунакта” дип исемләнгән очрашуда катнаштылар. Фахразый ага күп еллар “Коммунизмга” колхозында алдынгы тракторчы, комбайнчы булып эшләгән,  1976 елда авыл хуҗалыгында намуслы  һәм тырыш  хезмәте өчен СССР Верховный Советы указы белән  данлыклы исемгә   лаек булган. 2 тапкыр Ленин, Кызыл Байрак орденнары, 5 тапкыр ВДНХ, күп кенә юбилей медальләре белән бүләкләнгән ветеран балаларны хезмәт сөяргә, ватаныбызның патриотлары булып үсәргә өндәде. Очрашуда укучылар  игенче хезмәтенә багышлап шигырьләр бүләк иттеләр.  “Сез –безнең горурлыгыбыз, Азнакайның легендасы. Без сезнең белән горурланабыз !”- дип матур теләкләрен белдерделәр.