2014 нче  елның  18 апрель көнне хезмәт ветераны, Азнакай шәһәре ветераннар советы члены  Нурулла Губайдуллин  мәгариф музеенда кунакта булып китте. Ул:”Кешедән 100 кат ишетеп , бер кат үзем  килеп күрүем  хәерлерәк булыр ” – дип килдем эле менә ...  “ дип башлады ул сүзен. Тарихи материаллар тупланган экспозицияләр яныннан узган чакта ул таныш исемнәр, аларның фотографияләрен, тарихи чыганаклары турында белешмәләр алып, үзе дә байтак кына мәгариф ветераннары турында белешмәләр биреп китте. Мәсәлән, Хакимов Кәшиф, Хакимова Әкрәмә, Шакирзян Хисамиевич, Зяббарова Фирдәүс, Вәлиев Әгдәс,  Мөстәкимов Таймас, Касимов Миргасим , Калинина Евдокия кебек танылган шәхесләр, сугыш ветераннары, династияләр  турында кызыксынып тыңлады. Сугышта һәлак булган укытучы Исмагилов Шәех турында информация калдырып китте.Экспонатларны зур кызыксыну белән карады. Чыра агачын очлап карага манып язу формасын, мәктәп сумкасын карап, искә алып үзенең яшь чакларын искә төшереп, истәлек дәфтәренә үзенең уй-фикерләрен язып калдырды.