Чалпы авылы “Өмет” тернәкләндерү үзәгендә  ял итүче пенсионер апа-абыйлар мәктәп  музеенда кунакта булдылар. Алар арасында әлеге мәктәптә 1961-1963 елларда рус теле укытучысы булып эшләгән Ногайбекова Энҗе апа, 1950-1953 елларда белем алган Хафизова Галия апа, мәктәп бинасын төзүдә катнашкан Идрисов Әләм абый да бар иде. Биредә аларны Азнакай Балалар иҗат үзәгенең төбәкне өйрәнү бүлегендә  “Музей дуслары” түгәрәгенә йөрүче мәктәп  укучылары   каршы алдылар һәм кызыклы экскурсия үткәрделәр. Музей җитәкчесе Ракипова Р.Р.  аларга биредә сакланучы кайбер экспонатлар турында сөйләп үтүләрен үтенде. Кунаклар бик теләп балаларның сорауларана җавап бирделәр, хәтта туку станогында ничек эшләргә икәнлеген  күрсәтеп тә бирделәр. Очрашу бик җанлы үтте.