13 нче сентябрь көнне безнең мәктәптә "Укучы, укытучы һәм ата - ана арасындагы мөнәсәбәт" дигән темага ата - аналар җыелышы булды. Физика укытучысы Хуҗина Гөлназ Рөстәм кызы бик эчтәлекле итеп "Үзең нинди - балаң шундый" дигән темага чыгыш ясады. Мәктәп директоры Исламов Радик Алимас улы әти-әниләрне 2013-2014 нче уку елында мәктәпнең эчке тәртип кагыйдәләре белән таныштырды. Ата - аналар үзләрен кызыксындырган сорауларга җаваплар ишеттеләр. Шулай ук бистәбезнең балалар табибы Әлфирә Рифкать кызы да балаларның сәламәтлеген саклау буенча бик күп файдалы киңәшләр бирде, уку һәм тәрбия процессында эшчәнлекне арттыру, сәламәтлекне ныгыту өчен дөрес туклану рационы, һәм көнлек режимны ничек төзергә кирәклеген төшендерде.

Укыту һәм тәрбия эшләре буенча директор урынбасары Гараева Зөлфия Вагыйз кызы 2012-2013 нче уку елына күзәтү ясады. ГИА, ЕГЭ буенча нәтиҗәләр ясады. Ата - аналар җыелышы бик эчтәлекле һәм файдалы булды.

Бүген 12 сентябрь көнне 2 нче сыйныф укучылары, Гагарин исемендәге мәдәният йортына "Эзтабарларга кабул итү" бәйрәменә бардык. 

Бүген,яъни 11нче сентябр көнне, башлангыч сыйныф укучылары сәнгать мәктәбенә"Ачык ишекләр" көненә бардылар.Анда алар музыка һәм сәнгать мәктәбе эшләре белән таныштылар .Үзләренә бик күп кызыклы һәм кирәкле мәгълүмат алып кайттылар.

6 сентября 2013 года для учеников 10-11 классов состоялся урок "Финансовая грамотность". Ребята с интересом общались с начальником учета и отчетности Актюбинского муниципального поселкового совета Степаненко В.П.

Бүген, 6 сентябрь көнне, безнең мәктәптә балаларның физик эзерлеген бәяләү, спортка мәхәббәт уяту максатыннан "Көзге кросс" уздырылды.

Бүген, ягъни 4 нче сентябрь көнне безнең мәктәптә зур вакыйга булды. Мәктәп белән җитәкчелек итү өчен Исламов Радик Алимас улы директор итеп билгеләнде. Мәктәп коллективына яңа директор белән берлектә иҗади уңышлар телибез.

Бүген безнең мәктәптә экстремизмга каршы сыйныф сәгатьләре узды. Сыйныф җитәкчеләре бу эшкә бик җаваплы карадылар, ныклы әзерлек белән килделәр, ә укучылар бу дәрестән үзләренә бик күп файдалы мәгълүмат алдылар.

В этом году во всех школах страны урок знаний посвящён празднованию 20-летия со дня принятия Конституции России. Цели таких уроков: формирование представления о важности соблюдения законов государства; развитие гражданско-правового образования обучающихся; формирование активной гражданской позиции и правового сознания; приобретение навыков правовой культуры; развитие гражданской инициативы и гражданской ответственности, развитие умения работать в группе, выслушивать мнение других и излагать свои мысли.

2 сентябрь көнне мәктәптә белем бәйрәме узды, бу тамашага бик күп кунаклар килде. Алар укучыларга һәм укытучыларга матур теләкләр, зур уңышлар теләделәр. Беренче сыйныфка барлыгы 14 укучы килде, аларны әкият геройлары Буратино белән Мальвина сәламләде. Тамаша 1 нче сыйныф укучыларына белем ачкычы тапшыру белән тәмамланды.

31 нче август көнне безнең мәктәптә шимбә өмәсе узды. Мәктәп яны җыештырылды, көзге уңыш җыеп алынды. Мәктәбебез коллективы яңа уку елына әзерлекне менә шулай башлап җибәрде.