Бүген безнең башлангыч сыйныф укучылары Таш-Чишмә балалар бакчасына кунакка бардылар. Нәни дусларыбыз өчен без Абдулла Алишның „Койрыклар“ әкиятен сәхнәләштердек . Бу әкият – балаларны мәрхәмәтлелеккә чакыручы, тирән мәгънәле һәм акыллы бер әсәр. Анда хайваннарның койрыклары булмаган заманнар турында сөйләнә, һәм ни өчен һәр хайванның койрыгы төрле булуы аңлатыла . Безнең яшь артистлар үз рольләрен бик оста башкардылар: куркак Куян, хәйләкәр Төлке, көчле Аю һәм башка җәнлекләр балалар күңеленә хуш килде . Спектакльдән соң нәни тамашачылар белән уеннар уйнадык, әкият турында әңгәмә кордык. Балалар бик игътибарлы, актив һәм шат иделәр. Нәни дусларыбыз укытучы апаларга үз куллары белән ясаган бүләкләрен дә тапшырдылар. Мондый очрашулар ике якка да файдалы: безнең укучылар өчен бу – иҗади үсеш һәм яшь дуслар белән аралашу мөмкинлеге, ә бакча балалары өчен – татар әдәбиятының матур үрнәге белән танышу . Киләчәктә дә шундый җылы очрашулар күп булсын!