2023 нче елның 10 нчы мартында мәктәбебезнең 1-4 нче сыйныф укучылары киез итекләр киеп карда эстафета ярышларында катнашып, 3 нче урын яуладылар, медаль һәм грамота белән бүләкләнделәр. 

Мәктәбебенең 6 нчы сыйныф укучылары сыйныф җитәкчесе Гайнетдинова Г.С. белән 8 Март уңаеннан әниләр көне үткәрделәр. Бәйрәм кичәсе шигырь, җыр, биюләр белән бик күңелле үтте. 

Бүген мәктәбебездә 5-9 нчы сыйныф кызлары арасында "Ягез әле, кызлар" исемле бәйге узды. Укучылар ике командага бүленеп көч сынаштылар. Жюри аларны күзәтеп, гадел бәяләде."Энергия" командасы җиңде.

Мәктәбебездә 1-4 нче сыйныф кызлары арасында күңелле стартлар булып узды. Бик күңелле булды, дуслык җиңде. Закирова К.Г. укучыларны бәйрәм белән котлап, бүләкләр тапшырды

1 нче сыйныф укучылары Әлифба белән хушлаштылар.  "Сау бул, Әлифбам" дип исемләнгән кичәдә укучылар шигырьләр сөйләделәр, җырлар җырладылар, уеннар уйнадылар. Әти-әниләренә, укытучыларына рәхмәт сүзләре җиткерделәр. 

Мәктәп спорт клублары арасында узган баскетбол ярышында мәктәбебез командасы  3 нче урын яулап кайтты (укытучылары - Хәмидуллина И.В.).  Котлыйбыз!!!

Күңгәр мәдәният йортында узган "Тарихта без эзлебез" районкүләм шәҗәрәләр фестиваль - бәйгесендә мәктәбебезнең рус теле һәм әдәбияты укытучысы Сабирова Саймә Әхәт кызы үз гаиләләренең шәҗәрәсе белән катнашып, 3 нче урын яулады. Сабировлар гаиләсен уңышлары белән котлыйбыз!

Укучыларыбыз Мари Иле Республикасы Бәрәңге районы Гайнан Кормаш исемендәге Куян урта мәктәбендә үткән "Кормаш укулары" регионара шигырь укучылар конкурсында катнашып, призлы урыннар алдылар. 2 нче сыйныф укучылары Мортазин Данир II дәрәҗә дипломант, Аль-Омар Гайшә III дәрәҗә дипломант (җитәкчеләре: Вәлиева М.Р.), 3 нче сыйныф укучылары Зарипова Ания I дәрәҗә дипломант, Газимова Рүфинә  I дәрәҗә дипломант (җитәкчеләре: Йосыпова Г.И.), 4 нче сыйныф укучысы Сафиуллин Илнар II дәрәҗә дипломант (җитәкчесе: Латыпова Г.Ә.), 5 нче сыйныф укучысы Хәмидуллин Инсаф I дәрәҗә дипломант, 6 нчы сыйныф укучысы Сабирова Фирүзә II дәрәҗә дипломант (җитәкчеләре: Сабирова С.Ә), 6 нчы сыйныф укучысы Сабирова Фирүзә II дәрәҗә дипломант, 8 нче сыйныф укучысы Хөсәенов Ислам I дәрәҗә дипломант,(җитәкчеләре: Хөсәенова Р.Р.), 7 нче сыйныф укучысы Хөснетдинова Иркә  I дәрәҗә дипломант,(җитәкчесе: Сафина Р.Р.), 9 нчы сыйныф укучысы Степанова Ксения  I дәрәҗә дипломант (җитәкчесе: Закирова К.Г.), 9 нчы сыйныф укучысы Гыйниятова Адилә  II  дәрәҗә дипломант (җитәкчесе: Паутова Г.Г.).  Һәр укытучыга Рәхмәт хатлары тапшырылды. Уңышларыбыз белән горурланабыз, укучыларыбызга да, укытучыларыбызга да  сәламәтлек телибез!

"Әтнә йолдызчыклары - 2023" районкүләм эстрада фестиваленең гала концерты булып узды. Хөснетдинова Иркә белән Хөсәенов Ислам "Конферанс" номинациясендә  II дәрәҗә лауреат исеменә лаек булдылар (җитәкчеләре : Хөсәенова Р.Р.) Аларны котлыйбыз! Зона этабында да зур уңышлар телибез!

"Әтнә йолдызчыклары - 2023" районкүләм эстрада фестиваленең гала концерты булып узды. "Яшьлек" бию төркеме  "Хореография " номинациясендә  II дәрәҗә дипломант исеменә лаек булдылар (җитәкчеләре : Гайнетдинова Г.С..) Аларны котлыйбыз!